Retour à la Une
A la UneArticles ProvençauxMusiques et VidéosQuelques Liens

A la Une | Lou cantoun dou poèto | Lei pouèmo d'Alan

Lei pouèmo d'Alan

Pensado que soun vengudo emé l'atualita o dei sentiment de toutei lei jour. Leis ai escritch pèr m'ajuda de vièure durin lei marrit tèmp.

• 28 septembre 2003 - Par Alan Salvat

Perqué la guerro ?
• • •

En apeli eis ome de bouno volounta :
Que sieguèn blanc, rouge, jaune o d'Africo,
Vivèn sus la terro e sian toutei fraire...
Fraire de l'Irak, dou Congo, o Afgan,
La coulour de la pèu fa rèn a l'afaire,
Sian lei cièutadan d'aquesto umanita !

La foulié deis ome a crea la guerro,
Coustumo diferento, pòu e jalousié,
Quau te fa coumbatre a dei gros interes ;
Mouort e soufrenço soun per lou pichoun pople.
Lou poudé e l'argent reston per lei nanti :
En aquesto verita li a pas de glori !

Dei counflit, chasque jour esclaton a ta porto,
Lou mau de nouastro vido es l'anounima ;
Lei poupulacioun, encuei, se respecton pas.
Espande ta coumpassioun dins l'umanita,
L'amour que desversas n'a pas de frountiero,
Arò e a jamai es l'ouro de la Pas !

Alan

GRAMACI
• • •

Ma maire, santo fremo, m’ai douna lou jou,
Paire m’ensigné coufisanço, e paciènci.
Moussu lou cura d’agué de toulerançi
M’envitavo, e d’ama moun Dièu, lou Segnour.

Moun mestre d’escolo, dei bello letro
Me dounavo lou goust ; d’Istori e d’Art tambèn.
Moun fièu me douno de satisfacioun tout plèn.
Vaqui trent’an que ma fremo m’acoumpagno…

De faire moun deve toujou assaji bèn…
Es cade jou dou cèu que ma Grand me guido.
La vido v’es gasta pèr de marridi gèns…

Lou souléou dóu jou, acata d’un’ombro negro,
Fasènt neisse d’espèr, lusejo mau-grat tout!
Gramaci Créatour, Te gramaci pèr tout!

Alan juillet 2001 après la mouort de ma Maire.

Pichoun plési que couston rèn...
• • •

N'avès jamai senti
Au founsu de ta pensado,
Aquelei rèn fragile
Que moublon nouastro vido ?....

..Lou nistoun gasaiant
Tetant mai sa maire,
Que soumiho pasiblamen,
Eis angi souridènt...

..Lou cadèu que s'engamacho
Indecis fàci ei mounde,
Trabucant, s'embriagant
Davans l'inmensita....

...Lou parpaioun tout blanc
Lusènt coumo belugo,
Ilumino lou cèu brevamen,
Voulant de flour en roso....

..Lou raioun de luno
Que filtro ei fenestroun
Trouco la nuie d'esper,
Ameisant toun som préfound...

...Aquéu vièi sus lou banc,
Se caufant ei soulèu,
Regardo lei jouvent, urous e bèu,
Passeja man dins la man...

Oublides per un tèms
Lei tenebro, leis angouisso,
Peno e pensamen
De ta pauro vido !

Pantaia ! pantaia de tout, de rèn...
Pantaia d'ièr, d'encuei, de deman...
Acò soun gau, bounur,
Pitchoun plési que couston rèn !

ALAN

Lou rap prouvençau
• • •

Per dansa nouostro farandoulo,
Fau sautiha ben en ritme,
Es uno danso de plus facilo,
De l'assistanço siès lou réi !
Serro la man de ta vesino,
Aco va te mestre en esmai,
Lou sang batto fort dins ta testo ;
De la pisto siès ben lou réi !

A la fin d'aquelo roundo
Lei gauto, li poutouna dous fes.
Coume lou veses, es tres simple,
De la festo siès lou réi !
Lou vespre apres la fatigo,
Nouastrei réire sabien ben aco,
Dansant aquelo bello gigo,
Dei réi, èron lei prouvençau !

Aro, li a dei jouine
Que sabon pas ócupa soun det,
Au bord de la pisto soulet
Gigouton, s'isoulon ; es ben triste !
Sabèn pas si veramen s'amuson,
Me semblo pas, a lei vèire.
Li laissèn a sei danso barbare :
Aco lou rap l'apelon !

Eici, emé lei coumpan
Es pas lou rap que dansan :
Ma Prouvenço a sa farandoulo,
Dei rèi, soun lei prouvençau !

Alan,

L'ai (l'ase)
• • •

Dins la mountagno d'Escragnolo
Li avié un bravet nouma Vincèn,
Eu, avié un ai qu'amié tant,
Mai rendié sa fremo jalouso.
Un jour la meichanto fremo,
Vouguè li douna dou bastoun ;
L'animau, d'ouno reguignado
Tuè l'escorpi, li esclapan lou testoun !
De sa femelo a l'enterramen,
Cadun deis ami dou brave couilloun,
Toutei lei mau marrida, li murmuravon
A l'auriho, discretamen,
E Sabès que murmuravon ?..:
..."Presta mi toun ai, Vincèn !"

ALAN

La tourtourello
• • •

Cade matin
Dins lou jardin
Durbié seis alo
Ma tourtourello !

Rou cou cou cou…
Rou cou cou cou…

Cade matin
Soun bèu refrin
Pourtavo bounur ;
Cantavo ségur :

Rou cou cou cou…
Rou cou cou cou…

Mai un matin,
Plus de refrin !
Ero à terro
Ma tourtourello…

Rou cou cou cou…
Es pèr toujou !!!

Alan



Fantasme
• • •

Elo !.. es la muso que m’ispiro,
Poulidet’ironico, au mourroun trufaire
Emé soun èr de rèn que m’atiro.
S’èro masc, magician, encantaire,
Amirant soun rebat, mirau devendriéu,
Me fariéu abiho, butinejant sei labro
De soun cors alangui ne m’assadoulariéu
Qu’en flatejant sei courbo, amaisant ma fèbre.
E bouquetoun finau d’un ardènt crescendo
Me fariéu soulèu pèr abranda sa pèu…
Dins un pantai dessena me rebalant sèns fin,
Ai vóuta sèt fès ma lengo dins sa bouco,
Escoundrant à l’entour aquèu esmai divin…
E me sièu reviha soulet au founs de ma jasso !

Alan

Un sourrire
• • •

Es rèn de sourrire,
T’ajudo pèr vièure ;

Miraiage de toun amo,
Estrechesso dóu liame

Qu’à l’autre t’uni,
Espressioun de toun gàubi …

Duberto fenestro
Sus la calour intimo,

Lus de l’en dedins
Es de béu de pourgi ansin.

Perqué se n’en priva ?
Reviho ta volounta

De viéure. Siés plus soulet
Au mounde ! Bounur coumplet…

N’en siegue pas rachou
Generousamen, espande lou

A plens iue, à plen couor
Aquéu capitau d’or

Un jou te revendra
E te rescaufara !

Alan

Reino dou Jaussemin
• • •

Damount sus la colo, la ciéuta perduro,
Pudicamen drapado d'un mantèu de verduro
Poulidamen vestido de sei vieis óulivié,
Majestouoso au pèd de l'antico clouchié.
Souto lou soulèu d'or din l'azur encanta,
L'emblemo de Prouvenço eis eici, pintura.

Lei vieianchouno font à la douço cansoun,
Lou sourd brounzimen que doumino la vilo,
Lei rire cristalin de toutei lei pichoun
Entrinon lestamen l'alegro farandoulo :
L'erbourous catedralo en es mai estounado.
Entre mar e Aups imposas tei bèuta !

Caressa’ dou Mistrau, a lei soulet te douno,
Quau asseguro lou liame de soulèu a soulèu,
Ta  paleto de flour nouastro visto encanto,
E Doumino la plano tau un grand castèu ;
Teis acènt melodious la carriero animon,
Tei perfum capitous sus la vilo planon.

Óudouranto escapado fin qu'eis amèu grassenc,
Qu' escarrabiho ansin toutei nouastrei sèn !
En touteis auro, dessubre lei camin,
Per te vouali mi faire, douço terro dei reire,
Pèr te canta ben aut, lou moudeste troubaire,
Roso dìntre lei roso, rèino dou jaussemin !

Alan

Pas de photos pour cet article
© 2002 - En Provence au Pays de Grasse.