En Prouvenço, cad’annado fèn la crecho. Mai quant de gèns counaisson la simboli dei santoun ? Quant de gèns sabon que lou boumian e l’amoulaire soun le simbole dou mau ?
L’amoulaire, un estrangié, un nomado anant de vilaje en vilaje, poussènt sa meulo, la pèu tanado pèr lou vènt, la plueio e lou souléu, repassènt tout lou jour lei coutéu e lei ciséu dins un deluge de belugo de fuo, devié pas paraître très « catouli » pèr lei gens simple dei campagno. Matieu, l’amoulaire avié lou couor en peino aquest jour… Tout lou mounde èro bèn urous ounte venie d’arriba. Un grand eveniment se preparavo, sabien pas de qué, la vido préparo per fes dei surpreso… Mai ségur, anèn n’en proufita pèr bèn manja. Lou vilaje èro tout plèn de mounde, l’auberje èro plèno a craca. L’auberjiste avié refusa dou mounde, e s’avié presta soun establo en aquéu couple qu’èro arriba emé soun ai, èro pèr pietà pèr la jouino fremo, presqu’uno fiheto, qu’espérié un enfant, dins l’instant…L’auberjiste avié recoumanda à Matiéu de repassa toutei lei coutéu pèr la festo de la serrado. Istala dins la cour, acciounavié emé lou pèd , la pedalo de sa meulo et zzz,zzz,zzz, afutié, repassié….
La nuech toumbié léu en aquéu serado dóu 24 de desembre. Matiéu demanda au badéu que le regardavié trabaia : « Perqué lou céu es tant negro, perqué li soun pas deis estello ?.. »
Alors, Abel, lou plus viei, lou plus sabènt des vilajous li ditch qu’èro dins « lou pais sins estello »… Qu’un jour, li avié bèn dóu tèms d’acò, lou seignour dóu vilaje avié fach un si gros pescat emé lou diable, que despuei pèr punicioun tout lou mounde vivié dins lei tenebro, e qu’encaro arò, vivièn toutei dins l’oscurita, toutei lei nuech. Q’aquelo grosso estello lusènto que poudièn veire, èro aqui despuei un mès soulamènt. Que lei gènts, deis alentour veniavian noumbrous, e se prepariavan a la festo : èro certainamènt un signe !
Matiéu faié de gros souspir, mai se sentié tout esmougu au founsu de soun estre, mai perquè ?…
Se mis alors à repassa emé tout plèn d’ardour et de bounur, se sentiè investi d’uno missioun presquo divino produisé dei milier et dei milier de beluguo qu’iluminavian la nuech…Alors, un cri d’enfant trouca la nuech ; dins l’estable, la jouino maire avié mes soun enfant au mounde… Matiéu dins soun couor se ditch tout bas « …qu’aquélei belugo tant lusènte t’accoumpagnon dins stou mounde de misero, Pitchounet, iéu, n’ai rèn a te douna d’autre, regardo, soun tant belo, prenes aquéu bouquetoun de lumiero, que siguesson emé tu su aquelo terro. Uno voués tonitruanto empli lou céu : «..Siés pas un marit ome, Matiéu ; lou Divin Nistoun acceptas toun présènt… », lou boufo de l’Ange manda lei belugo dins lou céu e pèr la proumièro fès lou céu fugué empli de milie d’estello que sintillavon e faguèron un ridéu de festo. Matiéu, timidamènt, umblamènt approuchavié de la litièro de paio, parmi lei pastre, lou pitchoun pople que venié decouvri l’enfantoun. Uno douço imprecioun submerja l’ome simple, entendi au founsu de eu, uno vouès de douçour e de bounta : « Matiéu, as toujour esta trabaour e tout plèn de merito, as suppourta leis umiliacioun e l’intoleranço de tei semblable… Toun présènt es lou plus béu qu’a reçaupu l’enfant miserous. Arò e per l’eternità chasquo nuech sara ilumina pèr tei belugo e saras toujour aqui pèr festeja l’avènamènt dou Pitchoun ! ». L’amoulaire e toutei leis adoratour de l’enfantoun se soun senti tout pitchoun dins l’univers, se soun imobilisa à tout jamai….Despuei stou tèms, lei pitchoun sant alentour de l’estable soun devengu dei santoun, perquè avié esta lei temoin dou plus béu instant de l’istori de l’umanita. Despuei en Prouvenço, en remembrènço d’aquest tèms, fasèn la crècho dins toutei leis oustaou. Chasque santoun es plaça emé tout plèn d’amour près dou Divin Pitchoun. L’amoulaire es toujour en bouono plaço.
E meme se l’amoulaire es un simbole dou mau, a causo de l’ignoranço deis ome, counaitres, vous, lou grand secret…. Dei gèns vous diran qu’acò es uno lejendo, d’autre, qu’es uno puro invencioun…. Lei creises pas !
Iéu, vous le ditch, en Prouvenço, vivèn lou merveious tout lei jour. Rendèn graci au creatour de viéure dins aquéu pais de pantai, dins aquéu paradis !

ALAN
2000